Nagtagisan ang mga mag-aaral mula sa iba't ibang pampubliko at pribadong paaralan sa lungsod sa ginanap na City Anti-Drug Abuse Council (CADAC) Quiz Bee 2024 kahapon, Nobyembre 7 sa Learning and Development Room ng City Hall.

Nagkampeon sa quiz bee ang mga estudyante ng San Jose City National High School, pangalawa ang Tondod National High School, at pangatlo ang Gracious Shepherd Advanced School System.

Layunin ng naturang aktibidad na inorganisa ng Community Affairs Office at CADAC na mapalaganap ang kamalayan ng mga kabataan tungkol sa mga hakbang para masugpo at mapigilan ang paggamit ng ilegal na droga.