Iba't ibang aktibidad ang idinaos nitong Lunes, Hulyo 29 sa munisipyo para sa selebrasyon ng Buwan ng Nutrisyon sa pangunguna ng City Nutrition Office (CNO), katuwang ang mga Barangay Nutrition Scholar (BNS).

Kabilang dito ang Baby Crawl Contest at pagbibigay parangal sa mga nanalo sa iba pang paligsahan gaya ng Wrap a Baby, My Baby Monthsary, Dress Me Fruits and Veggies, My Baby Bump, at Breastfeeding photo contest.

Nanalo sa mga naturang contest ang mga sumusunod:
- Baby Crawl Contest: Czyllyh Aie Cordova ng Brgy. Abar 1st at Carl Andrew Sabilay ng Brgy. Porais
- Wrap a Baby: Serenity Astrid Oxiano ng Brgy. Porais
- My Baby Monthsary: Kiara Denisse Ucol ng Brgy. Kita-Kita
- Dress Me Fruits & Veggies: Queences Kezaiah Medina ng Brgy. Porais
- My Baby Bump: Allana Laine Mendoza ng Brgy. Crisanto Sanchez
- Breastfeeding: Hanny Rose Gloria ng Brgy. Caanawan

Samantala, muling kinilala sina Cecilia Nicolas ng CNO bilang 2023 Outstanding City Nutrition Program Coordinator at Marieanne Pacariem bilang Most Outstanding BNS, habang Most Outstanding Barangay Nutrition Committee naman ang Porais.

Nakisaya sa programa sina Mayor Kokoy Salvador at Vice Mayor Ali Salvador, kasama ang ilang miyembro ng Sangguniang Panlungsod.