Tinanggap ni Mayor Kokoy Salvador ang Plake ng Pagpapahalaga mula sa Department of Agriculture (DA) Regional Field Office III nitong ika-6 ng Setyempre sa ginanap na 7th Regional Awarding and Recognition of Certified Philippine Good Agricultural Practices (PhilGAP) Farms in Central Luzon sa City of San Fernando, Pampanga.

Iginawad ito sa Punong Lungsod para sa kanyang di-matatawarang suporta at kontribusyon sa pagpapatupad ng PhilGAP, katuwang ang City Cooperative Development Office at City Agriculture Office.

Kaugnay nito, ang KALASAG Multi-Purpose Cooperative sa Lungsod San Jose ang kauna-unahang kooperatiba na nabigyan ng PhilGAP Certification at ngayon ay may Asia GAP na rin.