Umarangkada ang K Outreach Program Year 2024 nitong Biyernes ng umaga, Enero 12 sa covered court ng Brgy. Sto. Niño 3rd.

Sa pamamagitan ng lingguhang programang inoorganisa ng Community Affairs Office, nagbababa ang lokal na pamahalaan ng mga tulong at libreng serbisyo ng iba't ibang departamento nito sa mga barangay, tulad ng bigas, gamot, binhi, anti-rabies sa alagang aso o pusa, bunot ng ngipin, pagpo-proseso ng dokumentong sibil, at iba pa.

Dumalo sa programa sina Mayor Kokoy at Vice Mayor Ali Salvador, gayundin ang ilang konsehal ng lungsod, at inalam ang kalagayan ng mga residente roon.