Malakas na hiyawan ang sumalubong sa mga artistang dumayo sa lungsod para lumaban sa ArtisTODA Basketball Tournament na ginanap sa San Jose City National High School Gym nitong linggo (April 23).

Wagi ang grupo ng mga artista sa puntos na 86 kontra sa TODA na nakakuha ng 59 puntos.

Kabilang sa mga artistang dumating at nagpakilig sa mga manunuod ay sina Arron Villaflor, Joross Gamboa, Jayson Abalos, Matt Evans, Edgar Allan Guzman, Onyok Velasco, Jimboy Martin, Tom Doromal habang si Ian Veneracion naman ang pinaka-tinilian ng lahat.

Libo-libong San Josenio ang dumagsa sa nasabing palaro para magbigay ng suporta at makisaya.

- Rozz Agoyaoy-Rubio