Pawang halakhak at ngiti ang namutawi sa mukha ng mga dumalo sa Gabi ng Mamamayan noong Sabado (April 22) bilang bahagi pa rin ng pagdiriwang ng Pagibang Damara Festival.
Naging panauhin sa nasabing okasyon sina Ate Gay at Jaya na naghandog ng kanilang awitin kung saan napakanta at napaindak din ang mga mamamayan ng lungsod na mula pa sa 38 barangay.
Makikita naman ang kasiyahan ng bawat isa dahil nagsilbi itong bonding moment sa kanila.
Nagpasalamat si Punong Lungsod Kokoy Salvador sa lahat ng mga nakiisa sa pagtitipon dahil aniya sa kanila, nagkaroon ng masayang selebrasyon ang fiesta.
Kasama rin sa kasiyahan sina Congresswoman Mikki Violago, Vice Mayor Glenda Macadangdang at ilang Konsehal ng bayan. (Ella Aiza D. Reyes)