Halos hindi mahulugan ng karayom ang City Social Circle noong Gabi ng Mamamayan, ika-27 ng Abril, sa Pagibang Damara Festival sa dami ng mga San Joseniong nanood ng pagtatangghal ng bandang AEGIS.

Bago ang mahigit isang oras na performance ng banda, nagkaroon ng programa para sa mga sektor ng barangay, kababaihan, at Senior Citizen.

Umani din ng palakpakan ang bigay na bigay na biritan nina G. Leo Madriaga ng Community Affairs Office at ng Global Partylist nominee Vanj Manugue kasama ang AEGIS.