Inagurasyon ng Potable Water System - Kaliwanagan (October 21, 2021)
Published: October 21, 2021 01:35 PM
Idinaos ang pormal na inagurasyon ng ikatlong Potable Water System (POWAS) sa Brgy. Kaliwanagan nitong umaga (Oktubre 21), gayundin ang panunumpa ng kanilang Lupon ng Katiwala.
Pinangunahan ni Mayor Kokoy Salvador kasama sina Punong Barangay Roderick Brillo at ilang opisyal ng Sangguniang Panlungsod ang aktibidad.
Nanawagan ang Punong Lungsod sa mga residente na mahalin at pag-ingatan ang POWAS dahil mapakikinabangan nila ito ng matagal na panahon.
Nilinaw rin ni Mayor Kokoy na ang pondong malilikom mula sa mga consumer ay gagamitin para sa pagmementina ng kanilang POWAS.
Tiniyak naman ng City Health Office- Sanitation Division na pasado sa kanilang pagsusuri ang kalidad ng tubig mula sa POWAS at ligtas itong inumin ng mga konsyumer.
Sa kabuuan, 49 POWAS na ang kasalukuyang napakikinabangan sa lungsod at may ilan pang POWAS ang inaasahang itatayo sa mga susunod na buwan.
