K Outreach Program sa Sto. Niño 2nd
Published: January 17, 2020 12:00 AM
Muling naghatid saya at serbisyo ang K Outreach Program ng lokal na pamahalaan ngayong araw, Enero 16.
Isinagawa ang programa sa Sto. Niño 2nd upang mas mapasigla ang pagdiriwang ng kanilang fiesta sa linggong ito.
Handog sa mga residente ang mga libreng serbisyo mula sa iba’t ibang tanggapan ng lokal na pamahalaan, pati na ang ilang ahensiya at samahan.
Nakadaupang palad din ng mga taga-Sto. Niño 2nd si Mayor Kokoy Salvador na masayang nakihalubilo at nakisalo sa boodle fight.
Dumalo rin sa programa si Vice Mayor Glenda Felimon-Macadangdang at ilang City Councilors, gayundin ang mga opisyal ng barangay.
