Labing pitong paaralan ang nakiisa sa isinasagawang youth camp na nagsimula nitong Setyembre 22 kung saan ilan sa mga itinuro dito ay tungkol sa gawaing ispirituwal, pang-makabayan at pagkakawang-gawa.

Nagpasalamat si Mayor Kokoy Salvador sa mga kabataang lumahok sa youth camp at sinabi niyang isang paraan ito upang lalo pa silang magkakilanlan, sa pamamagitan aniya nito, matuturuan silang tahakin ang tamang landas sa hinaharap.

Nagpapatuloy pa rin ang youth camp na magtatapos ngayong araw kung saan magkakaroon pa ng iba’t ibang aktibidades na pangangasiwaan ng 3rd Infantry Battalion, 7th Infantry Division Philippine Army at CLSU Psychological Society.