Dinagsa ng mga San Josenians ang huling gabi ng pagdiriwang ng Pagibang Damara Festival upang mapanood ang Variety Show kung saan nagtanghal sina Liza Soberano at BoybandPH.
Maaga pa lamang, nagsidatingan na ang mga tao sa City Social Circle upang mapanood ang mga bisitang artista.
Naghiyawan ang mga audience nang kinanta ng BoybandPH ang kanilang first self-titled album na "Unli," kung saan nakisabay pa sa pag-awit ang mga manonood.
Mas dumadagundong pa ang City Social Circle nang lumabas si Liza Soberano na naghandog rin ng ilang awitin para sa mga San Josenians.
Isa sa mga kinilig na fan si Jeffrey na galing pang Brgy. Tondod, at aniya ay sinadya talaga niyang pumunta sa bayan at kahit pa siksikan ay tiniis niya ito para masilayan ang kanyang iniidolong si Liza Soberano at ang BoybandPH.
Nagpasalamat naman ang mga artista sa patuloy na pagtangkilik sa kanila. Hindi anila inaasahan na magiging ganoon kainit ang pagtanggap sa kanila ng mga tao. (Ella Aiza D. Reyes)