Bilang pagpapahalaga ng Pamahalaang Lokal at ni City Mayor Mario “Kokoy” Salvador sa kalagayan ng mga senior citizen, tinipon ang mga lolo at lola ng lungsod nitong ika-14 ng Hulyo sa CHO Mini Pag-asa Gym .
Ayon sa kinatawan ng Punong Lungsod na si G. Fortantino Amorin Jr., Executive Assistant V, kailangang bigyan ng priyoridad hindi ‘yong may edad kundi ang mga ‘marginalized’o ang mga ‘poorest of the poor’ (pinakamahirap sa mga mahihirap).
Nais ng Punong Lungsod na lahat ng lolo at lola maging ang mga nasa malalayo o liblib na pook ay matignan ang kalagayan upang matukoy kung ilan talaga ang senior citizen na indigent at karapat-dapat na makatanggap ng social pension mula sa DSWD.