Mga Palaro At Pampalakasang Events Ng Pagibang Damara, Tinalo Ang Init Ng Summer!

Nasubukan ang husay ng 94 motor riders sa isinagawang Motocross competition noong Sabado (Abril 22) sa Tayabo. Hindi alintana ng mga rider ang baku-bakong daan sa racing track, habang hindi naman magkamayaw sa paghiyaw ang mga manonood sa tuwing may gagawing stunts ang mga kalahok.
Hindi rin nagpahuli ang mga 150 kasali sa Downhill Mountain Bike Race, Cross Country Trail & Fun Ride na hindi ininda ang init ng araw sa pagtahak sa Villa Floresta nitong Linggo (Abril 23).
Naging mainit din ang bakbakan sa Boxing sa Pag-asa Gym na umabot sa 40 matches.
Samantala, nagtagisan naman ang 82 chess players sa isinagawang Chess Tournament na inorganisa ng San Jose City Chess Players Union.