Masaya at masiglang aktibidad ang idinaos nitong Hulyo 24 para sa mga chikiting, kasama ang kanilang mga magulang bilang bahagi ng pagdiriwang ng Buwan ng Nutrisyon ngayong Hulyo.

Ilan sa mga Nutri-Baby Fun activities na ginanap sa Learning and Development Room sa City Hall ay Baby Crawl Contest, Bet On Your Baby, Bring Me, at Milk Drinking Contest.

Nanguna sa finish line sina Baby Danilo at Baby Redlyn sa baby crawl, habang sina baby Athena, Aya, at Sujen naman ang panalo sa Bet On Your Baby.

Nanguna naman sa Bring Me contest sina Baby Zyex at Estifanie, at sina Baby Kailey at Clarence ang nagwagi Milk Drinking Contest.

Kaugnay nito, ipinaliwanag sa programa ni City Nutrition Officer IV Marissa Chua ang tema ng 45th Nutrition Month na “Kumain nang Wasto at Maging Aktibo…. Push natin ‘to!”.

Dumalo at nakisaya rin dito sina Vice Mayor Glenda Felimon-Macadangdang at City Councilor Patrixie Salvador.

Kasabay ng naturang aktibiday ay namahagi ang City Environment and Natural Resources Office o CENRO ng seedlings.

Ngayong araw naman ay isinasagawa ang iba pang aktibidad para sa 45th Nutrition Month.