Mga cute na pets, bumida rin sa Pagibang Damara;
Pigrolac Pa-BINGO, lalong nagpasaya sa piyesta

Iba’t ibang uri ng mga alagang hayop ang tampok sa katatapos na Pet and Dog Fashion Show ng City Veterinary Office na ginanap sa Pag-asa Sports Complex noong Sabado (April 22).

Suot ang kanilang outfit, isa-isang rumampa ang iba’t ibang lahi ng aso gaya ng Shih Tzu, Mini Pinscher, Siberian Husky, Beagle, Shih Tzu, Pomeranian, at Native Dogs o AsPin (“Asong Pinoy”).

Bida rin ang iba pang pets gaya ng isda, guinea pig, rabbit, pigeon, Cbeild Chameleon, Python Snake, at marami pang iba.

Nagsilbing hurado sina Dr. Paul Cardenio, Dr. Cristo Rey Batoy at Dr. Marvin Bryan Salinas.

Narito ang listahan ng mga nanalo sa Pet & Dog Fashion Show na nagkamit ng cash prizes.

Pet of the Year – Python snake (Dreniel Wong)
Most Unique - Python snake (Dreniel Wong)
Biggest Pet – Rabbit (Rommel Uy)
Smallest Pet – Fish (Jernie Agustin)
Best Avian Specie – Pigeon (Dino Cervantes)
Best Reptilian – Cbeild Chameleon (Kevin Santos)
Best Mammalian – Guinea Pig (Kinsember Malunay)
Look Alike & Pet Owner – Shih Tzu (Ann Mariel Sabio)
Best Fashion Dress – Pomeranian (Rodined Quitalea)
Best Fashion Sport – Beagle X Shih Tzu (Gana Subaba)
Best Groomed – Siberian Husky (Lowel Santos)
Most Obedient – Shih Tzu (Arvin Eugenio)

Fashionista of the Year
1st – Shih Tzu (Catherine De Guzman)
2nd – Mini pincher (Catherine De Guzman)
3rd – Shih Tzu (Mean Ramos)

Native Dog of the Year – Native (Alex Loja)
Crowd Choice – Siberian Husky (Lowel Santos)
City Vet Choice – Bearded Dragon (Jernie Agustin)
Best in Talent – Mini Pinscher (Princess Forio)

Samantala, dagdag kasiyahan naman ang isinagawang Pa-BINGO sa Bagong San Jose handog ng Pigrolac nitong ika-21 ng Abril.

Ilan sa mga naging papremyo rito ay water jug, desk fan, electric kettle, at gas stove; at apat na biik naman ang grand prize.

Maswerteng nag-BINGO sina Princess Joy Orlando ng Tayabo, Zenaida Francisco ng Kita-kita, Lanita Pascua ng Llanera, at Marilou Gabot ng Calaocan na nanalo ng tig-isang biik.

Nagpasalamat naman ang mga kinatawan ng Pigrolac sa patuloy na pagtangkilik sa kanilang mga produkto.

(Ella Aiza D. Reyes)