Ilang buwan na ang nakararaan nang simulan ng Lokal na Pamahalaan ang paglalagay ng solar street lights sa iba't ibang barangay.

Ito ay bahagi pa rin ng mga proyekto ng kasalukuyang administrasyon sa ilalim ng Punong Lungsod Kokoy Salvador.

Dahil sa mga solar lights na ito, hindi na magbabayad ng kuryente na nakokonsumo ng ordinaryong street light ang mga barangay. Malaking tulong din ito lalo na sa mga panahong brownout.

Layunin ng proyekto na malagyan ng solar lights ang lahat ng barangay at madagdagan pa ang mga kasalukuyang naikabit na rito.