Matagumpay na naisagawa ang Trade Fair nitong Agosto 10 sa Pag-Asa Sports Complex bilang bahagi ng selebrasyon ng 50th San Jose City Day.

Sari-saring mga paninda ang inilako ng mga sumali sa Trade Fair at karamihan dito ay gawa mismo sa lungsod. Ilan sa mga ito ay mga kakanin, bag, pitaka, at tsinelas na gawa sa indigenous materials, wines, mga produktong gawa sa mushroom, mga palamuti, at marami pang iba. May mga nagtinda rin ng mga magagandang halaman at sari-saring seedlings.

Kabilang sa mga lumahok ngayong taon ang mga sumusunod: Javez Marketing Cooperative, Sibut Chicharon, Antonia’s Handicraft, San Vicente’s Homemade Kakanin, Eldon Mushroom Farm, BJMP San Jose Products, Yam’s Ornamental Plant Farm, Conching’s Native Cake, Bakhita Herbs and Tea, Eastern Primary Multi-Purpose Cooperative, YCALH’s Polvoron, Almira’s Beadworks, Biyaya ng Bukid, Buencamino Enterprises, 4G’s Mushroom Farm, Tin Top Mushroom Farm, Don C Food Manufacturing, Alona’s Food Products, Thomas Wines and Spirits, Soapure naturals, Sitio Usok Kababaihan Cooperative, at Precy’s Moringa Oil.

Ang aktibidad ay naisakatuparan sa pagtutulungan ng Office of the City Mayor, City Cooperative Development Office, at City Tourism Office.