Hindi nagpahuli sa galing sa chess ang mga Novo Ecijano sa idinaos na Chess Tournament kahapon, Abril 8 sa WalterMart San Jose.

Hinati sa tatlong kategorya ang torneo kung saan nagtagisan ang mga manlalaro mula sa San Jose City, Science City of Muñoz, Llanera, Lupao, Carranglan, at Rizal.

Kaugnay nito, narito ang mga nagwagi sa bawat kategorya na tumagal ng anim na rounds:

OPEN CATEGORY
Champion: Luigi James Laking
2nd: Francis Ligon
3rd : Rolando Feliciano

PWD CATEGORY
Champion: Pedro Sarangaya
2nd: Ariel Tinio
3rd: Erizalde Nolasco

KIDDIES CATEGORY
Champion: Jay Mark Rudio
2nd: Nona Mariyah Tucay
3rd: Zairen Maze Orjalo

Kinilala rin ang mga kalahok na sina Ricky delos Reyes bilang Best Senior Chess Player, Xyril Valdez bilang Top Lady Chess Player, at Ireneo dela Cruz bilang Best San Josenian Chess Player.

Inorganisa ng Persons with Disabilities Affairs Office (PDAO) San Jose City ang Chess Tournament na isa sa mga aktibidad sa Pagibang Damara Festival 2025.

Dinaluhan ito nina Mayor Kokoy Salvador at Vice Mayor Ali Salvador bilang suporta sa naturang sports.