Cuteness overload ang mga alagang aso sa Dog Summer Fashion Show and Look-alike Contest bilang bahagi ng selebrasyon ng Pagibang Damara Festival 2025.

Suot ang mga nakaaaliw na costume, rumampa ang 61 fur babies kasama ang kanilang fur parents nitong Sabado (Abril 12) sa Pag-asa Sports Complex.

Kaugnay nito, hinirang na Dog Summer Fashionista of the Year si Popoy, isang shih tzu na alaga ni Abyhama Rain Tolentino. Naiuwi rin ni Popoy ang tatlong special award na Pet & Owner Look-alike, Most Creative, at Darling of the Crowd.

Ikalawa naman ang alagang poodle ni Roslin Lapuz na si Amber, na napili ring Most Talented at Most Obedient.

Samantala, nakamit ng alaga ni Samantha Nicole Tolentino na si Pichie, isa ring shih tzu ang ikatlong puwesto bilang Dog Summer Fashionista of the Year.

Narito ang iba pang nanalo ng special awards:

Wildest Wag: Orange, Pekingese (Owner: Rivianne Duyon)
Best Groomed: Faith, Chihuahua (Owner: Mary June Lachica)
City Vet Choice: Popoy, Aspin (Owner: Cariza Valdez)