Nagpamalas ng kanilang galing sa sining ang mga kabataang San Josenio sa ginanap na Express Yourself: Art-Making Contest ngayong araw, Hunyo 19 sa munisipyo.

Bahagi ito ng pagdiriwang ng Pride Month sa pangunguna ng lokal na pamahalaan, kasama ang LGBTQIA+ Community sa lungsod.

Kaugnay nito, nangibabaw ang husay sa pagpinta ni Arelle Olivienne Beltran na siyang nagkampeon sa kategorya ng Under 18.

Nakamit naman ni Axia Yzabella Ramara ang ikalawang puwesto, at ikatlo si Aliah Ayriz Jimenez.

Samantala, nanguna ang obra ni Elijah Celin Esteban sa Above 18 na kategorya, habang sumunod naman ang ipininta ni Marc Angelo Aninag at Angelo Calica.

Bukod sa naturang patimpalak, nagsagawa rin ng HIV Awareness Seminar at libreng HIV testing dito katuwang ang Angel Cares Medical Health Services.