Inumpisahan na kamakailan ng City Veterinary Office (CVO) ang pag-iikot sa mga barangay para magbakuna ng mga alagang aso at pusa kontra rabies.

Una nilang dinayo ang Brgy. Sto. Niño 3rd nitong Pebrero 13-14 kung saan 691 ang kanilang nabakunahan dito.

Nag-ikot naman ang mga kawani ng CVO kahapon sa Brgy. Sto. Niño 2nd at nakapagbakuna sila rito ng 445 aso't pusa.

Nagpatuloy ang kanilang pag-iikot doon ngayong araw at tutungo naman sila sa Sto. Niño 1st bukas hanggang Biyernes (Pebrero 20-21).

Naka-iskedyul din ang pagbabakuna sa Brgy. Sto. Tomas sa Pebrero 26-27 at sa Canuto Ramos sa Pebrero 28.

Antabayanan lamang ang anunsiyo rito para sa iskedyul ng iba pang barangay.