Isinagawa ang isang komprehensibong Mango Production Training and Seminar nitong Enero 17 sa City Agriculture Office na dinaluhan ng mango growers mula sa Lungsod San Jose, mga karatig na bayan, at probinsya.

Layunin ng naturang pagsasanay na paunlarin ang kasanayan ng mga magsasaka at mapabilis ang pag-unlad ng industriya ng mangga.

Kabilang sa mga tinalakay rito ang Good Agricultural Practices (GAP) Certification, Plant Nursery Accreditation, seedling management, tamang fertilization ng mangga, wastong pruning, at pest management.

Sa pamamagitan ng naturang aktibidad, nabigyan ng malawak na kaalaman hinggil sa Crop Nutrition, wastong pamamahala ng fruit-bearing trees, Integrated Pest Management (IPM) para sa mangga, at tamang pangangalaga sa post-harvest.