Masayang tinanggap ng 20 persons with disabilities (PWD) mula sa Lungsod San Jose at iba pang bayan ng lalawigan ang mga pinamahaging prosthetics o assistive device para sa kanila nitong umaga, Disyembre 20 sa PWD Affairs Office (PDAO).

Ang mga naturang benepisyaryo ay kabilang sa mga sinukatan noong Nobyembre 26 para mabigyan ng libreng artificial legs ng MediWalk Corp, katuwang ang Pamahalaang Panlalawigan ng Nueva Ecija.

Dumalo naman kanina sa programa si Vice Mayor Ali Salvador, kasama sina Provincial PDAO Head Ariel Sta. Ana at PDAO Officers na sina Don Joaquin ng Talavera, Reynaldo Eduardo ng Jaen, at Ryan Jay Mangulabnan ng Gapan.

Sila ay mainit na tinanggap ng PDAO SJC sa pangunguna ni PDAO Focal Person Christian Nicolas.