Sa layuning ihanda at magabayan ang mga kabataan sa kanilang hinaharap, nagdaos ang Public Employment Service Office (PESO) ng Career Guidance and Employment Coaching nitong Huwebes (Disyembre 5) para sa 225 Grade 12 Senior High School students sa Caanawan National High School.

Nagsilbing tagapagsalita sina Shirley Pajarillo, PhD mula sa Governor's Office at Rosario Campos mula sa Department of Labor and Employment (DOLE).

Tinalakay nila ang mga kasanayan at hakbang na makatutulong sa paghahanda ng mga kabataan para sa kanilang tatahaking karera.