PAGIBANG DAMARA STREET DANCING

Mas pinasaya ang piyesta sa lungsod nang magtanghal sa Street Dancing kahapon, Abril 10 ang apat na grupo ng mga mag-aaral na kasali rito.

Suot ang kanilang makulay at malikhaing costume, umindak ang mga mananayaw mula City Social Circle patungong Public Market, kung saan ipinamalas ang kanilang nakamamanghang presentasyon.

Sa huli, hinirang na Best Performer ang grupo ng San Jose City National High School.

Nasungkit naman ng Sto. Niño 3rd National High School ang ikalawang puwesto, sumunod ang Tayabo High School, at Caanawan National High School.

#PagibangDamaraFestival