Naging masigla at makulay ang huling umaga ng selebrasyon ng Pagibang Damara Festival 2025 sa ginanap na Zumba in the City sa City Social Circle.

Bigay-todo ang kembot at sayaw ng mga lumahok sa pangunguna ng TML Crew na sina Zin Paulo, Zin Joseph at Zin Jay.

Nagbigay suporta rin si Vice Mayor Ali Salvador na nag-iwan ng pagbati at mensahe sa mga dumalo.
Ayon kay Vice Mayor Ali, hindi mawawala ang Zumba sa mga programa ng Pagibang Damara kaya naman hinikayat niya ang lahat na huwag magsasawang mag-engage sa mga programang gaya nito.

Nakatanggap naman ng iba't ibang parangal ang mga piling kalahok.