161 Bagong LGU Scholars, Natanggap na ang tig-pitong libong tulong sa Pag-aaral
Published: November 17, 2021 01:00 PM
Nakatanggap ng tig-pitong libong piso ang 161 bagong LGU scholars para sa SY 2021-2022 nitong Martes, Nobyembre 16, bilang tulong sa kanilang pag-aaral.
Dumaan sa masusing screening ang 657 aplikante at ang mga pumasa sa qualification standards na itinakda ng City Ordinance #18-094 ang siyang napiling mga iskolar ngayong taon.
Sa ilalim ng nasabing ordinansa , isang daang iskolar kada taon ang nadadagdag sa mga tinutulungang estudyante ng Lokal na Pamahalaan, subalit sa panahon ng pandemyang dulot ng COVID-19, iminungkahi ng Punong Lungsod Kokoy Salvador sa komite na dagdagan ang bilang ng mga iskolar ayon sa kaya pang abutin ng budget na nakalaan para sa programa.
Bago ipamahagi ang cash aide, ginanap ang orientation sa Kambal PAG-ASA Gym ng Sto Niņo 1st kung saan ipinaliwanag sa mga iskolar ang mga alituntunin upang mamentina ang kanilang scholarship.
