Nagpatuloy ngayong araw na ito (March 21) ang 1st Farmers Festival sa City Agriculture Office (CAO) compound kung saan nagbahagi ng kaalaman tungkol sa epekto ng Climate Change at Global Warming sa pagsasaka si Prof. Annie Melinda Paz-Alberto ng Central Luzon State University.

Nagprisinta rin ng kanilang mga produkto ang Allied Botanical Corporation (ABC) at Ram Foods Corporation na makatutulong sa mga magsasaka.

Namigay pa ng kanilang produktong Nutrivant at long sleeves ang ABC, gayundin ang Unigrow na naghandog din ng long sleeves at sombrero.

Nagpasalamat naman ang pamunuan ng CAO sa mga magsasakang aktibong lumahok at sumuporta sa kanilang programa at umaasang magkikita-kita ulit sa Farmers Festival sa susunod na taon.