Pormal na tinanggap ni Punong Lungsod Kokoy Salvador ang 2022 Seal of Good Local Governance (SGLG) na iginawad ng Department of the Interior and Local Government (DILG) sa Lokal na Pamahalaan ng Lungsod San Jose sa awarding ceremony na ginanap sa Manila Hotel nitong Huwebes, Disyembre 15.

Ang SGLG ang pinakamataas na parangal na ibinibigay ng DILG bilang pagkilala sa mahusay na pagganap sa mga sumusunod na aspeto ng pamamahala:
• Financial Administration and Sustainability
• Disaster Preparedness
• Social Protection and Sensitivity
• Health Compliance and Responsiveness
• Sustainable Education
• Business Friendliness and Competitiveness
• Safety, Peace and Order
• Environmental Management
• Tourism, Culture and the Arts
• Youth Development

Ito na ang pangatlong SGLG na iginawad sa lungsod, matapos bigyan ng naturang parangal noong taong 2018 at 2019.

Sa City Category, tanging Lungsod San Jose lamang sa buong Nueva Ecija ang nakakuha ng pagkilalang ito ngayon taon .

Bilang insentibo, makakatanggap din ng pitong milyong piso ang Lokal na Pamahalaan ng Lungsod San Jose bilang dagdag na pondo sa mga programa nito.