Ipinamalas ng mga PWD ang kanilang mga talento at kakayahan sa pagdiriwang ng 38th National Disability Prevention and Rehabilitation (NDPR) Week na may temang “Karapatan ng Maykapansanan, Isakatuparan… Now Na!”
Nagsimula nitong Lunes, Hulyo 18 ang iba’t ibang aktibidad sa lungsod na pinangunahan ng Local Council on Disability Affairs. Nagpakitang gilas dito ang mga PWD sa larong basketball, dama, chess, scrabble, at bunong braso.
Mayroon ding cooking contest at photo contest na may temang “Buhay PWD”.
Maliban sa mga tampok na paligsahan sa NDPR Week ay nagpamigay din ang Lokal na Pamahalaan ng mga saklay at wheelchair sa 14 PWDs.