Isang “magical” na gabi ang nasaksihan ng mga San Josenian nitong December 18 sa City Social Circle (Keg-keg) matapos magtanghal ang Elemento Art of Magic at Nueva Ecija Magician, Ventriloquist and Clown (NEMVC) Society.

Tinawag na “A Night of Magic on Christmas” ang programa kung saan nagpamalas ng kamangha-manghang magic tricks ang mga salamangkero at payaso, habang ang mga ventriloquist naman ay nagbigay galak at nagpahalakhak sa mga manonood.

Ang pagtatanghal ay libreng handog ng naturang samahan sa pakikipagtulungan sa Lokal na Pamahalaan upang makapagbigay saya sa mga taga-San Jose ngayong Kapaskuhan.