Hindi tumitigil ang Lokal na Pamahalaan sa pagbibigay aksyon sa mga kahilingan ng mga San Josenians.

Ang proyektong Potable Water System (POWAS) ng Bagong San Jose ay patuloy na itinatayo sa mga liblib na lugar na hindi nararating ng malinis na tubig.

Sa kasalukuyan, nakapagpatayo na ng POWAS sa Kita-Kita, Tayabo, Habitat Village, Sto. Niño 3rd, Villa Marina, Villa Joson, Tondod at nitong Hunyo 25, pormal na ring binuksan ang POWAS sa Abar 2nd.

Ang naturang programa ay isa rin sa mga programang “people empowerment” ni Mayor Kokoy kung saan ang mga mamamayan ay hinihikayat na maging organisado at responsable sa pamamahala ng ilan sa mga pangangailangan sa kanilang komunidad, base sa maayos na sistemang susuportahan at ituturo ng Lokal na Pamahalaan.

Ang POWAS ay pamamahalaan ng mga miyembro ng komunidad na nakikinabang dito.

Sa buwan ng Hunyo ngayong taon, narito ang estado (percentage of completion) ng proyektong ito sa iba’t ibang baranggay:

Parang Mangga - 90%
Camanacsacan - 85%
Tabulac - 75%
Dizol - 70%
Kaliwanagan - 70%
Manicla - 65%
Caanawan - 60%
San Mauricio - 60%
Sto. Niño 3rd - 60%
San Agustin - 55%
Porais - 50%
Culaylay - 50%