Bilang bahagi ng adbokasiya ni Mayor Mario “Kokoy” Salvador na mabigyan ng magandang serbisyong pangkalusugan ang mga mamamayan ng San Jose, pinulong ng mga kawani ng City Health Office (CHO) ang mga Barangay Health Worker (BHW) ng lungsod ngayong araw (Oktubre 4).
Kabilang sa mga tinalakay dito ang kahalagahan ng kanilang tungkulin at responsibilidad sa mga barangay na kanilang kinasasakupan, mga benepisyo at insentibo ng mga BHW, at iba pa.
Layunin ng pagpupulong na ito na bigyang diin ang malaking papel ng mga BHW upang maisakatuparan ang mga programang pangkalusugan ng lokal na pamahalaan para sa mas magandang serbisyo sa mga San Josenian. (Jennylyn N. Cornel)