Anti-Rabies Vaccination Caravan - Calaocan
Published: November 09, 2021 01:00 PM
Nag-iikot muli sa mga barangay ang City Veterinary Office para magbigay ng libreng bakuna kontra rabies para sa mga alagang aso at pusa.
Ngayong araw (Nobyembre 9), nagbahay-bahay sa Brgy. Calaocan ang mga bakunador mula sa nasabing tanggapan at magpapatuloy ito hanggang bukas.
Sa Huwebes at Biyernes (Nobyembre 11-12), aasahan naman ang mga bakunador sa Brgy. Sibut.
Naka-iskedyul ding bakunahan ang iba pang barangay sa mga susunod na linggo.
Paalala sa publiko, may suot na LGU ID ang mga nagbabahay-bahay kaya’t siguruhing may tamang pagkakakilanlan ang mga kawani bago sila papasukin sa inyong bakuran.
