Iginawad ngayong araw ang Certificate of Training ng mga TESDA beneficiaries na kumuha ng kursong Shielded Metal Arc Welding (SMAW) NC-I na kasalukuyang inaalok sa San Jose City Skills Training Center.

Pinangunahan nina Vice Mayor Glenda Felimon Macadangdang at Executive Assistant V Cesar “Sandy” Cervantes ang paggawad ng sertipiko.

Ayon kay Ginoong Cervantes, hanggat may gustong mag-aral ay hindi titigil ang lokal na pamahalaan sa pagtulong sa mga kababayan nating nangangailangan, sa pangunguna pa rin ni Punong Lungsod Mario “Kokoy” Salvador, at sa pagsulong sa adhikaing “Sa Bagong San Jose, lahat ng Mamamayan ay may K”; na sa puntong ito ang K ay kumakatawan sa “Karunungan”.