Iginawad sa Sitosan Irrigators Association ng Sinipit Bubon at Samahan ng Nagkakaisang Magsasaka ng Sto. Nino 3rd ang dalawang Shallow Tube Well (STW) Engine with Pump na mula sa Department of Agriculture.

Ayon sa City Agriculture Office, ang mga lugar na ito ang napiling pagkalooban ng mga nasabing farm machineries dahil ito ang mga lugar na kinakapos ng patubig, at medyo mataas at rainfed area.

Pinangunahan naman ni Punong Lungsod Mario “Kokoy” Salvador ang paggawad ng Certificate of Ownership sa mga beneficiaries kasama sina City Administrator Alexander Glen Bautista at City Agriculturist Reynaldo Amarillo sa isinagawang flag raising ceremony ng Lokal na Pamahalaan nito lamang Lunes, Hulyo 25.