Pormal na iginawad ni City Mayor Mario “Kokoy” Salvador sa City Agriculture Office ang isang Rice Combine Harvester at isang Riding Type Rice Transplanter na mula sa Provincial Agriculture Office.

Ang mga naturang farm machinery ay nagkakahalaga ng PHP2.8 milyon at PHP800,000.00 ang naging ambag ng lokal na pamahalaan para dito.

Nagpasalamat naman ang nasabing tanggapan dahil malaking tulong ito sa mga magsasaka lalo na sa mga gawaing pansakahan.

Samantala, magkakaroon muna ng pagpupulong sa pagitan ng City Agriculture Office at SJC HOFA Incorporated kasama si Punong Lungsod Mario “Kokoy” Salvador upang pag-usapan kung paano mapapakinabangan ng mga magsasasaka ang mga nasabing gamit. (Ella Aiza D. Reyes)