Binigyan ng pagkilala ng Lokal na Pamahalaan ang pinakamatandang buhay na San Josenian na si Bb. Susana Felix Cailing, 101 taong gulang kasabay ng pagdiriwang ng ika-47 Anibersaryo ng Pagkakatatag ng Lungsod San Jose kahapon, ika-10 ng Agosto.
Sa kabila ng katandaan ay nakadalo pa rin sa programa si Binibining Cailing ng Barangay Crisanto Sanchez.
Iginawad sa kanya nina Office of the Senior Citizens Affairs (OSCA) Chairman Juanito Corpuz, Mayor Mario “Kokoy” Salvador at City Administrator Alexander Glen Bautista ang insentibong P10,000.00 at sertipiko ng pagkilala.