Patuloy pa rin ang isinasagawang beautification program ng Lokal na Pamahalaan sa iba’t ibang lugar sa lungsod kabilang na dito ang Oplan Daloy kung saan pinapanatili ang kalinisan sa mga daluyan ng tubig, estero at kanal, pagsasaayos ng mga manhole sa daanan, clean-up drive at iba pa.

Ito’y bahagi pa rin ng adbokasiya ni Mayor Kokoy Salvador na mapanatili ang kalinisan at kagandahan ng Bagong San Jose lalo na ngayong sasapit ang kapaskuhan.

Pinapaalalahanan naman ng butihing Punong Lungsod ang mga mamamayan ng San Jose na dapat panatilihin ang kalinisan ng kanilang kapaligiran at ng lungsod para sa kabutihan at kapakanan ng lahat. Aniya, ang isang malinis na bayan ay pwede ipagmalaki ng mga mamamayan.