Bilang bahagi ng Breast Cancer Awareness Campaign ngayong taon, nagsasagawa ng libreng breast cancer screening para sa mga kababaihan bilang medical mission na kasalukuyang isinasagawa sa lungsod.

Naisakatuparan ang naturang aktibidad sa pagtutulungan ng Philippine Nurses Association of Michigan, FILAMCCO, Eastern Michigan University at Phil-Am Medical Mission Foundation of Michigan, at ng Lokal na Pamahalaan ng San Jose.

Mabibigyan naman ng libreng treatment at chemotherapy ang mga nagpatingin na nakitaang may breast cancer sa Manila Springfield Cancer Center.

Samantala, magtatagal hanggang Biyernes (Pebrero 16) ang naturang medical mission.