Nagsanay sa paggawa ng coconut twine at geonet ang mga empleado ng City Environment and Natural Resources Office (CENRO) ngayong araw (Mayo 3) sa Biowaste Processing Facility sa Sitio Bliss, Brgy. Malasin.

Nagsilbing tagapagsanay rito si Catherine May Manongsong ng Philippine Coconut Authority (PCA).

Ayon kay City Environment and Natural Resources Officer Marites Pangilinan, layunin ng nasabing pagsasanay na mas mabawasan ang bio-waste na napo-produce ng lungsod.

Dagdag pa ni Pangilinan, maaaring magamit ang magagawang produkto para masolusyunan ang mga problemang may kinalaman sa soil erosion.