Nagsagawa ng dalawang araw na pagsasanay tungkol sa Digital Literacy ang Department of Information and Communications Technology (DICT), katuwang ang City Library sa mga Indigenous People, Day Care Workers, at ilang out-of-school youth.

Kabilang sa mga tinalakay rito ang Internet Media and Information Literacy, at Awareness on Data Privacy and Cyber Security.

Itinuro din sa mga kalahok kung paano gamitin ang mga Google application gaya ng Google Drive, Docs, Sheets, at Slides upang makasabay sila sa paggamit ng makabagong teknolohiya.

Nagsilbing tagapagsalita sa pagsasanay ang mga kinatawan ng DICT na sina Project Development Officer I Jayson Ryan Cunanan, Planning Officer II Domingo Chico Jr., at Procurement Management Officer I Shamir Cruz.