Nag-ala-runway models ang mga aso kasama ang kanilang fur parents sa ginanap na Dog Fashion Show and Look-alike Contest ngayong araw sa Pag-asa Sports Complex.

Iba’t ibang breed ng aso ang rumampa suot ang kanilang mga agaw-pansin at nakaaaliw na costume, habang ang iba ay nagpakita pa ng kanilang special talent at tricks.

Kaugnay nito, nanguna bilang Fashionista of the Year si Thumbelina, isang Pomeranian na alaga ni Jhonrol Pascual.

Ikalawa ang Pomeranian ni Emil Galope na si Tozibini, at ikatlo ang alagang Pomeranian din ni Vincent Rafael na si Tarieala.

Best in Gown at Best in Fantasy rin si Thumbelina, habang Best in Casual Wear si Freya, isang Shih Tzu na alaga ni Ken Tintero.

Best in Sports si Charlie na alaga ni Andi Fernandez at City Vet Choice si Peny-Peny ni Chenverlee Galope.

Itinanghal namang Dog Owner Look-Alike si Amara Catindig at alaga niyang Golden Retriever.

Namigay rin ng special awards, freebies, at may pa-raffle pa sa mga kalahok na iba't ibang dog products.