Bumisita nitong Hulyo 28 sa lungsod ang mga magsasakang taga-Eastern Samar para sa isang lakbay-aral sa San Jose City Agro-Enterprise Learning Resource Center (dating FEP Learning Resource Center).
Hangarin ng naturang lakbay-aral ng mga magsasaka na matuto mula sa karanasan ng KALASAG Farmers Producers Cooperative sa pagmemerkado sa mga institusyonal na merkado, ganoon din sa pagpapalago ng kooperatiba at ng kanilang produksiyon.
Mainit naman silang tinanggap at binati ni Mayor Mario “Kokoy” Salvador.
Matapos ang maikling kamustahan ay tumuloy ang mga magsasaka sa KALASAG hanger at dito ay aktibo silang nagtanong sa mga lider ng Kalasag at mga kawani ng City Agriculture Office at City Cooperative Development Office. Kasama rin ng mga delegado ang ilang staff ng Catholic Relief Services.