Lalong pinasigla ng grupong Sama Ka Na Mare ang City Social Circle nitong Sabado ng gabi sa pamamagitan ng paghahandog ng sayaw.

Tinawag na “Gabi ng Sama Ka Na Mare” ang nasabing programa kung saan labingpitong (17) grupo mula sa iba’t ibang barangay ang nakibahagi at nagpakita ng kani-kanilang talento sa pagsayaw ng folk dance at modern dance.

Nagsilbi namang panauhing tagapagsalita dito si konsehal Patrixie Salvador.
Ang Sama Ka Na Mare o Samahan ng Malayang Kababaihang Nagkakaisa para sa Mamamayan at Reporma ay grupo na binuo upang makatulong sa pagkamit ng adhikain ng Bagong san Jose.
(Rozz Agoyaoy-Rubio)