Baon ang kani-kanilang talento, dinagsa ng mga San Josenio ang audition ng kauna-unahang Galing Mo, Show Mo, isang talent search na tampok sa pagdiriwang ng ika-48 City Day Celebration sa August 10.

Mayroong nagpakitang gilas sa fire dance, magic, singing, ventriloquism, acrobat, beat box at iba’t ibang klase ng sayaw.

Ang tatanghaling grand winner sa naturang patimpalak ay magkakamit ng Php 15,000, habang 10,000 at 5,000 naman sa 2nd at 3rd placer. Ang bawat finalist ay tatanggap naman ng 2,000.

Ang patimpalak ay bilang pagsuporta ng lokal na pamahalaan sa talento ng mga San Josenio.