Masayang tinanggap kahapon ng mga Persons with Disability (PWD) ng Barangay Tulat ang mga groceries at wheelchair na handog sa kanila ng lokal na pamahalaan.

Layunin ng gift giving program na ito na iparamdam sa mga kababayan nating PWD ang pagpapahalaga ng pamahalaang lokal sa sektor na kanilang kinabibilangan.

Nagpasalamat naman ang naturang sektor sa biyayang kanilang natanggap lalo na kay Punong Lungsod Mario “Kokoy” Salvador.

Pinangunahan ni Executive Assistant V Cesar “Sandy” Cervantes ang naturang programa kasama ang ilang Social Workers.

Ayon kay Ginoong Cervantes, patuloy nilang susuportahan ang mga programang para sa PWD sa tulong pa rin ng butihing Punong Lungsod.