Kasabay ng pag-aliwalas ng kalangitan, isinagawa ng Tanggapan ng Panlungsod na Pananakahan ang pagbubukas ng kauna-unahang Hybrid Rice Derby sa lungsod sa pamamagitan ng isang Ceremonial Planting sa Brgy. Sinipit Bubon.

Ito ay nilahukan ng 8 kumpanya kabilang ang Bioseed Research Philippines, Inc., Green and Grow Teknologies, Inc., Leads Agri, Leads Agri Ventures, Longping Tropical Rice Development, Inc., SL Agritech Corp., Seedworks Philippines at Syngenta Philippines, Inc.

Dumalo sa nasabing programa si City Mayor Kokoy Salvador at City Vice Mayor Ali Salvador kasama ang ilang miyembro ng Sangguniang Panlungsod na magiliw na lumusong sa putikan at nagtanim ng palay.

Nakiisa din sa programa si Regional Seed Coordinator Christian Ramos, APCO Analou Morelos, Provincial Agriculturist Bernardo Valdez, Punong Barangay Ben Domingo at ilang miyembro ng Sangguniang Pambarangay.

Kapwa nagpasalamat naman sina City Agriculturist Francisco Dantes at ang kinatawan ng mga cooperator na si Ginoong Henry Estrella sa mga dumalo at lumahok sa programa.