Inauguration ng POWAS - A. Pascual
Published: December 11, 2020 12:00 AM
Idinaos ang pormal na pagpapasinaya ng ikalawang Potable Water System (POWAS) sa Barangay A. Pascual kahapon, December 10, gayundin ang panunumpa ng Lupon ng Katiwala na siyang mamamahala sa POWAS dito na tinawag nilang “APAS-POWAS”.
Pinangunahan ni Mayor Kokoy Salvador, kasama si Punong Barangay Lawrence Ercilla at ilang miyembro ng Sangguniang Panlungsod ang inagurasyon ng naturang proyekto na isa’t kalahating taon nang nakapagsisilbi sa isandaang (100) konsyumer.
Sa kabuuan, mayroon nang apatnapu’t apat (44) na POWAS sa lungsod na naglalayong makapagbigay ng malinis at sapat na supply ng tubig, lalo na sa liblib na lugar.
