Pinulong ng City Environment and Natural Resources Office (CENRO) kasama ang ating butihing Mayor Mario “Kokoy” Salvador ang mga junk shop at machine shop owners kahapon sa munisipyo para pagtibayin ang ugnayan ng Pamahalaang Lokal at ng nasabing sektor sa kampanya sa proper waste management.
Kabilang sa mga naging paksa sa pulong ang waste segregation, partikular na ang hindi pagtatapon ng industrial waste ng mga junkshop at machine shop owners sa hindi tamang lugar.
Ilalapit din ng Lokal na Pamahalaan sa Sangguniang Panlungsod ang paggawa ng ordinansa hinggil sa pagpaparehistro na mga magbabakal-bote sa lungsod.